Martın 26-sı saat 09:00-a olan məlumata əsasən, ölkənin bəzi bölgələrində yağıntılı hava şəraiti müşahidə olunmaqdadır.
Düşən yağıntıların miqdarı bölgələr üzrə dəyişir. Ən çox yağıntı Ağdamda (7 mm) qeydə alınıb. Şabran, Bərdə, Bakı və Abşeron yarımadasında 6 mm, Xızı, Sədərək və Şərurda 5 mm yağıntı düşüb. Beyləqan, Xaçmaz, Goranboy və Zərdabda isə bu göstərici 4 mm təşkil edir.
Digər bölgələrdə, o cümlədən Quba, Tərtər, Culfa, Ordubad, Naxçıvan, Naftalan, Tovuz, Şəki, Oğuz, Şamaxı, Yevlax, Ağstafa, Şahbuz, Daşkəsən, Göygöl, Gəncə, Şəmkir, Zaqatala, Qəbələ, Qobustan, Şahdağ, Balakən, Qax, Qusar, Şirvan, Mingəçevir, Göyçay, İmişli, Kürdəmir, Sabirabad, Biləsuvar, Yardımlı, Lerik, Kəlbəcər, Laçın, Qubadlı, Şuşa, Xankəndi, Xocalı və Füzulidə yağıntının miqdarı 3 mm-dir.
Bəzi ərazilərdə duman müşahidə olunur. Bakı və Abşeron yarımadası, Daşkəsən, Göygöl, Gəncə, Naftalan, Şəmkir, Balakən, Sarıbaş (Qax), Şəki, Oğuz, Qəbələ, Qobustan, Şamaxı, Quba, Qusar, Tərtər, Göyçay, Sabirabad və Lerikdə duman səbəbindən görünüş məsafəsi 500 metrədək məhdudlaşıb.