Qocalmanı Ləngidən Sirli Maddələr: Alimlər Yeni Faktlar Açıqladı
Alimlər qocalma prosesini ləngidən minə yaxın maddənin (geroprotektor) mövcudluğunu təsdiqləyib. Bu maddələrin əksəriyyəti laboratoriyalarda öyrənilir, lakin bəzilərini asanlıqla əldə etmək mümkündür.
Bioloq Aleksey Moskalyovun sözlərinə görə, geroprotektorlar üç əsas kateqoriyaya bölünür: tibbi preparatlar, bioloji aktiv əlavələr və qida məhsullarının tərkibindəki maddələr.
Ən təsirli dərmanlar: Yeni nəsil diabet dərmanlarıdır. Onlar beyin və ürək funksiyalarını qoruyur, xərçəng riskini azaldır, lakin həkim nəzarəti altında qəbul edilməlidir.
Asan əldə edilən qida əlavələri: Qlisin, astaxantin və L-karnitin kimi təbii komponentlər hüceyrələri zədələnmədən qoruyur.
Moskalyov qocalmanı ləngitmək üçün ən effektiv yolun düzgün qidalanma olduğunu vurğulayır. Sağlam qidalanma bu baxımdan həlledici rol oynayır.
Mütəxəssis, rasiona göyərti, giləmeyvə, qara şokolad, zeytun yağı, çay, qəhvə və ədviyyatlar əlavə etməyi məsləhət görür, çünki bu məhsullar güclü geroprotektiv elementlərlə zəngindir.