Nərimanov rayonunda “Changan” markalı avtomobilin şüşəsini sındıraraq oğurluq edən şəxs barədə polisə məlumat daxil olub. Daxili İşlər Nazirliyinin məlumatına əsasən, Nərimanov Rayon Polis İdarəsi 17-ci Polis Şöbəsinin əməkdaşları tərəfindən keçirilən əməliyyat nəticəsində, əvvəllər məhkum olunmuş 27 yaşlı Qabil Kərimov saxlanılıb.
Araşdırmalar zamanı Qabil Kərimovun paytaxt ərazisində daha iki avtomobildən ümumilikdə 580 manat, qol saatı və boyunbağı oğurladığı müəyyən edilib. Qeyd edək ki, Q.Kərimovun əməlləri təhlükəsizlik kameraları vasitəsilə də qeydə alınıb. Faktla bağlı araşdırmalar davam etdirilir.