Bakı Şəhər İcra Hakimiyyəti gücləndirilmiş iş rejimində çalışır. Martın 27-si səhər saatlarından etibarən paytaxtın rayon icra hakimiyyətləri və aidiyyəti təsərrüfat strukturları gücləndirilmiş iş rejimində fəaliyyət göstərir. Bəzi ərazilərdə normadan artıq yağan yağış suların kənarlaşdırılmasında problemlər yaradıb.
Xəzər və Binəqədi rayonlarında vəziyyət nəzarətdədir. Xəzər Rayon İcra Hakimiyyətinin başçısı Elşən Salahov Şüvəlan qəsəbəsindəki subasma ərazisinə, Binəqədi Rayon İcra Hakimiyyətinin başçısı Elxan Allahverdiyev isə qəza baş vermiş əraziyə gəlib. İcra başçıları yağışın fəsadlarının aradan qaldırılması üçün tapşırıqlar veriblər.
Monitorinq qrupları fəaliyyət göstərir. Şəhər ərazisində digər problemli ərazilər monitorinq qrupları tərəfindən müəyyən edilərək Azərbaycan Dövlət Su Ehtiyatları Agentliyinə təqdim edilir. Yağışın fəsadlarının aradan qaldırılması istiqamətində işlər davam edir.