Ağdamda bədbəxt hadisə: Mina partlayışı nəticəsində bir nəfər yaralanıb.
Martın 26-da Ağdam rayonunun Yusifcanlı kəndində 1985-ci il təvəllüdlü Ceyhun Firdovsi oğlu Abbasov mina partlayışının qurbanı olub. Hadisə keçmiş təmas xəttində, minalardan təmizlənməmiş ərazidə baş verib.
Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) birgə məlumatında bildirilir ki, Ceyhun Abbasov piyada əleyhinə minanın partlaması nəticəsində sol ayağından xəsarət alıb.
Faktla bağlı Ağdam Rayon Prokurorluğunda araşdırma aparılır.
Vətəndaşlara müraciət: ANAMA, DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinə diqqətlə yanaşmağa, bələd olmadıqları ərazilərə daxil olmamağa çağırır.