Yaxın Şərqdə vəziyyət gərginləşir: İran, ABŞ və İsrail qarşıdurması
İran, ABŞ və İsrail arasında artan gərginlik Yaxın Şərqdə təhlükəsizliyi daha da risk altına salır. Tərəflər həm danışıqlar, həm də qarşıdurma arasında seçim etməli olurlar.
Eskalasiya danışıqları sürətləndirsə də, etimadsızlıq, regional rəqabət və daxili siyasi amillər vəziyyəti daha da gərginləşdirir. Nüvə obyektləri və enerji infrastrukturlarının hədəfə alınması narahatlığı artırır.
Gərginlik hara gedir?
ABŞ-ın Azərbaycandakı keçmiş səfiri Metyu Brayza bildirib ki, hazırda ABŞ və İran arasında birbaşa danışıqlar yoxdur. Dolayı danışıqlar da baş vermir. Amma vasitəçilər var. Pakistan və Türkiyə əsas vasitəçilərdəndir.
Tərəflər arasında mesajlar ötürülür, lakin hücumlar davam edir. Müharibənin nə vaxt bitəcəyini proqnozlaşdırmaq çətindir. Tramp müharibədən çıxmaq istəsə də, bölgəyə əlavə qoşun göndərir. Bu, İrana təzyiq göstərmək və ya müharibəni genişləndirmək məqsədi daşıya bilər.
Nüvə müharibəsi təhlükəsi?
Tərəflərin nüvə obyektlərini hədəfə alması münaqişənin nüvə müharibəsinə çevrilməsi riskini daşımır. İran İsrailin nüvə tədqiqat obyektlərini, İsrail isə İranın Buşehr Nüvə Elektrik Stansiyasını hədəfə alır. Lakin bu, münaqişənin nüvə silahlarının istifadəsinə qədər gedəcəyi anlamına gəlmir.