“Qalatasaray” klubu Mario Lemina ilə bağlı vacib bir qərar qəbul edib. Mövsümün sonunda müqaviləsinin bitməsinə baxmayaraq, klub rəhbərliyi futbolçunu komandada saxlamaq niyyətindədir.
Xarici mətbuatın yaydığı məlumatlara əsasən, İstanbul təmsilçisi qabonlu yarımmüdafiəçi ilə yeni müqavilə imzalamağa hazırdır. Klub, 32 yaşlı futbolçunun müqaviləsini 1 il də uzatmağı planlaşdırır.
Mario Lemina 2025-ci ilin yayında İngiltərənin “Vulverhempton” klubundan transfer olunmuşdu. Onun komandaya qatılması “Qalatasaray”ın orta sahəsinə xeyli güc qatmışdı.