İstanbul Prokurorluğu məşhurlara qarşı narkotik əməliyyatında yeni detalları açıqlayıb. Saxlanılması barədə qərar çıxarılan və İngiltərədə olduğu bildirilən aktrisa Hande Erçel, Türkiyəyə qayıdarkən saxlanılıb və məhkəmədə ifadə verib.
Hande Erçel narkotik ittihamlarını rədd etdi
Aktrisa, narkotik məclislərində iştirak etdiyi iddialarına cavab olaraq, ifadəsində narkotik maddə istifadə etmədiyini bildirib. Məhkəmə Tibb Qurumunda qan və saç nümunələri götürülüb, test nəticələri gözlənilir. Bütün prosedurlar tamamlandıqdan sonra aktrisa sərbəst buraxılıb.
Digər şəxslər barədə qərarlar
Narkotik istintaqı çərçivəsində saxlanılan iş adamları Kerim Sabancı, Hande Erçel’in keçmiş sevgilisi Hakan Sabancı, “Qalatasaray” klubunun sabiq prezidenti Burak Elmas, “Beşiktaş” klubunun sabiq prezidenti Fikret Orman, modellər Güzide Duran və Didem Soydan ölkə xaricinə çıxış qadağası ilə, Onur Bükçü isə sərbəst buraxılıb.