Fransa Prezidenti Emmanuel Makron martın 8-də Prezident İlham Əliyevlə telefon əlaqəsi saxlayıb. Zəng zamanı Makron, İranın Azərbaycana olan son hücumları ilə bağlı Fransanın həmrəyliyini və dəstəyini ifadə edib.
Makron, həmçinin İrandakı Fransa vətəndaşlarının təxliyyəsi üçün Azərbaycanın yaratdığı şəraitə görə Prezident Əliyevə təşəkkürünü bildirib.
Prezident Əliyev isə telefon zənginə və göstərilən həmrəyliyə görə Makrona minnətdarlığını çatdırıb.
Söhbət zamanı Cənubi Qafqazda sülhün bərqərar olması və Azərbaycan-Fransa əlaqələrinin gələcək inkişaf perspektivləri müzakirə olunub. Tərəflər əməkdaşlığın genişləndirilməsi yollarını nəzərdən keçiriblər.