Bağçada uşağı vuran "tərbiyəçi" ilə bağlı RƏSMİ AÇIQLAMA - VİDEO

Xəbər verdiyimiz kimi, bağçada "tərbiyəçi"nin azyaşlı uşağın başına qəddarcasına vurduğu əks olunan video sosial şəbəkələrdə səs-küyə və haqlı etirazlara səbəb olub.
SonXeber.Biz-ın məlumatına görə, məsələ ilə bağlı DİN Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev açıqlama verib.
O bildirib ki, yayılan görüntülərlə bağlı araşdırma başlayıb:
"Sosial şəbəkələrdə uşaq bağçalarından birində azyaşlıya qarşı şiddət göstərilməsi ilə bağlı videogörüntülər yayılıb.
Fakt nəzarətə götürülüb. Araşdırmanının nəticəsindən asılı olaraq, əmələ hüquqi qiymət veriləcək".

ZAİRA AKİFQIZI