Selin Dion pərəstişkarlarını sevindirəcək!
Kanadalı ulduz Selin Dionun sentyabr ayında Parisdə möhtəşəm konsertlər verməyə hazırlaşdığı bildirilir. Məşhur müğənninin səhnəyə qayıdışı xəbəri pərəstişkarlarını həyəcanlandırıb.
Məlumatlara görə, konsertlər 40 min tamaşaçı tutumuna malik “La Defense” arenasında baş tutacaq. Hələlik rəsmi təsdiq olmasa da, müğənninin komandasının hazırlıqları davam etdirdiyi deyilir.
Nəşrlər S.Dionun sentyabr və oktyabr aylarında həftədə iki dəfə konsert verəcəyini iddia edir. Bu, müğənninin uzun fasilədən sonra səhnəyə qayıdışı deməkdir.
Xatırladaq ki, Selin Dion sonuncu dəfə 2020-ci ilin mart ayında səhnəyə çıxmışdı. Daha sonra pandemiya və səhhətindəki problemlər səbəbindən dünya turnesini təxirə salmaq məcburiyyətində qalmışdı.
Müğənninin sərt insan sindromu xəstəliyi 2022-ci ildə açıqlanmışdı. Bu xəstəlik səbəbindən o, spazmlar yaşayır, yeriməkdə və oxumaqda çətinlik çəkir.