Əməkdar artist Abbas Bağırov, oğulları Raul və Muradın təhsili və rahatlığı üçün Gəncə şəhərinə köçdüyünü bildirib. Bu barədə sənətçi “Evdəkilərə salam” proqramında geniş açıqlama verib.
Abbas Bağırovun sözlərinə görə, Gəncədə yaşamaq onun üçün daha komfortludur:
“Gəncədə özümü daha rahat hiss edirəm. Uşaqlarım burada dincəlir, mənəvi rahatlıqdayam. Mənim üçün övladlarımın sağlamlığı və sağlam böyüməsi hər şeydən önəmlidir. Onlara daha çox vaxt ayıra bilirəm. Burada həm sakit, həm də rahat yaşayıram”
Qeyd edək ki, Abbas Bağırov Elnarə adlı xanımla ailəlidir.