Azərbaycanda bu il məktəblərdə ənənəvi “Son zəng” tədbirinin keçirilmə tarixi dəyişdirilib. Təhsil Nazirliyindən verilən məlumata görə, bu il “Son zəng” mərasimi iyunun 14-də yox, iyunun 12-də keçiriləcək.
Bu dəyişiklik, tədris ili üçün təsdiq edilmiş məktəb təqvimində öz əksini tapıb. Qərarın verilməsinə səbəb isə iyunun 14-nün ölkədə qeyri-iş günü olmasıdır.
Beləliklə, bütün ümumtəhsil müəssisələrində “Son zəng” mərasimi 12 iyun tarixində baş tutacaq. Şagirdlər və valideynlər bu əlamətdar günü iki gün əvvəl qeyd etməyə hazırlaşmalıdırlar.