Plastik qablarda qida saxlamaq təhlükəlidir?
Rusiyalı mütəxəssis Denis Prokofyevin fikrincə, plastik qablarda saxlanılan və istifadə edilən yeməklər sağlamlığa ciddi zərər verə bilər. Həkim bildirib ki, plastik qablar yalnız qida daşımaq üçün uyğundur. Digər hallarda şüşə qablara üstünlük verilməlidir.
Niyə şüşə qablar? Plastik qabların müntəzəm istifadəsi orqanizmin zəhərlənməsinə (intoksikasiya) səbəb ola bilər. Bu isə sinir sisteminə və mədə-bağırsaq traktına mənfi təsir göstərir, ümumi zəhərlənməyə yol açır.
Diqqət! Yeməyi qızdırmaq üçün tam təhlükəsiz plastik qablar yoxdur. Mikrodalğalı sobada plastik qabda yemək qızdırmaq zərərli təsiri daha da artırır. Yeməyi sobada qızdırmaq və ya termoda saxlamaq daha məqsədəuyğundur.