Psixi sağlamlıq problemləri yaşayanlar üçün bəzi qidalar narahatlıq hissini artıra bilər. Həkim Karlos Xaramilyonun fikrincə, ağ un, şəkər və şirniyyatlar maddələr mübadiləsinə mənfi təsir göstərir.
Maddələr mübadiləsi pozulduqda, sinir sistemi həyəcan siqnalı verir və bu da narahatlığa səbəb olur. Qanda qlükoza səviyyəsini kəskin qaldırmayan qidalar psixi sağlamlıq üçün daha faydalıdır.
Həkim zülal, sağlam yağlar və lifli qidalar qəbul etməyi məsləhət görür. Serotonin hormonunun əsasən bağırsaqlarda ifraz olunduğunu nəzərə alaraq, kefir və turşu kələm kimi fermentləşdirilmiş qidalar da faydalıdır.