Ramazan ayında oruc tutanların çoxu uzun müddət ac qaldıqdan sonra iftar süfrəsində həddindən artıq yemək yeyir. Bu, müxtəlif sağlamlıq problemlərinə yol aça bilər. Mütəxəssislər iftar yeməyini iki hissəyə bölməyi və aralarında 15 dəqiqə fasilə verməyi məsləhət görürlər. Bu üsul həzm sistemini rahatlaşdırır və toxluq hissini daha sağlam şəkildə idarə etməyə kömək edir.
Orucluq zamanı həzm sistemi necə işləyir?
Mütəxəssislərin fikrincə, oruc zamanı 14-16 saat ərzində qida qəbul edilmədikdə, bədəndə həzm sistemi istirahət rejiminə keçir. Mədə boşalır, bağırsaq hərəkətləri yavaşlayır və insulin səviyyəsi minimuma enir. Uzun müddət ac qaldıqdan sonra böyük porsiyalarla yemək mədəyə ağır yük salır və həzm sistemini yükləyir. Bu isə halsızlıq, mədə şişkinliyi və həzm pozuntusu kimi narahatlıqlara səbəb ola bilər.
İftarın ilk mərhələsi: Yüngül qidalar və fasilə
İftara xurma ilə başlamaq məsləhətdir. Xurma tərkibindəki təbii şəkərlərlə qan şəkərini balanslı şəkildə artırır. Su isə gün ərzində itirilmiş mayeni bərpa etməyə kömək edir. Bundan əlavə, az duzlu bir şorba mədəni əsas yeməyə hazırlayır və yüngül doyma hissi verir. Şorba yoxdursa, bir neçə dilim tam buğda çörəyi ilə qatıq və ya kefir qəbul edilə bilər.
İlk mərhələdən sonra 15 dəqiqə fasilə vermək çox vacibdir. Bu fasilə bədənin həzmə hazırlanmasını təmin edir və toxluq hissini daha düzgün qiymətləndirməyə imkan yaradır. Fasilə zamanı yüngül gəzinti etmək və ya dincəlmək, həmçinin su içməyə davam etmək faydalıdır.
İftarın ikinci mərhələsi: Balanslı əsas yemək
Fasilədən sonra iftarın ikinci mərhələsində zülal, lif və sağlam yağlarla zəngin balanslı əsas yemək qəbul etmək lazımdır. Sobada və ya kabab kimi bişmiş toyuq, balıq və ya mal əti kimi sağlam zülal
Yağlı və ağır yeməklərdən uzaq durmaq vacibdir. Qızartmalar, çox ədviyyatlı və işlənmiş qidalar həzmi çətinləşdirir, mədəyə zərər verə və iftar sonrası halsızlıq yarada bilər. Bunun əvəzinə, qaynadılmış, kabab edilmiş və ya sobada bişirilmiş yeməklərdən istifadə edin.
Yeməyi yavaş-yavaş yemək və yaxşı çeynəmək də önəmlidir. Həzm ağızda başlayır və mədəyə düşən yük azalır. Yavaş yemək porsiyon kontrolunu təmin edir.
Şirniyyatlardan istifadə
İftardan dərhal sonra ağır və şirin şirniyyatlar yemək qan şəkərini sürətlə artırır, sonra ani enişə səbəb olub halsızlıq yarada bilər. Şirniyyatı iftardan 1-2 saat sonra, süd və ya meyvə əsaslı seçimlərlə qəbul etmək tövsiyə olunur. Xurma kimi təbii şirin alternativləri də seçə bilərsiniz.