Azərbaycanda 2025-2026-cı illər üzrə nikah öncəsi müayinələrin nəticələri açıqlanıb. Səhiyyə Nazirliyi Milli Hematologiya və Transfuziologiya Mərkəzinin məlumatına görə, 2025-ci ildə 100 761 nəfər nikah öncəsi müayinədən keçib. Müayinələr zamanı 3 635 halda cütlüklərdən birində, 35 halda isə hər iki tərəfdə genetik daşıyıcılıq aşkar edilib.
Prenatal diaqnostika nəticələri də açıqlanıb. Eyni dövrdə aparılan prenatal diaqnostika çərçivəsində 68 müayinə həyata keçirilib. Bu müayinələr nəticəsində 21 xəstə, 32 daşıyıcı və 15 sağlam hal qeydə alınıb.
2026-cı ilin ilk iki ayında vəziyyət necədir? 2026-cı ilin yanvar ayında 6 596 nəfər müayinədən keçib və 268 daşıyıcı müəyyən edilib. Fevral ayında isə 7 712 müayinə aparılıb, 272 daşıyıcı aşkarlanıb və 2 cütlükdə hər iki tərəfin daşıyıcı olduğu müəyyən olunub.
Mərkəzdən bildirilib ki, nikah öncəsi müayinələr genetik xəstəliklərin qarşısının alınmasında və sağlam ailələrin formalaşdırılmasında böyük rol oynayır. Bu müayinələr hər bir ailə qurmaq istəyən şəxs üçün vacibdir.