Ermənistan parlamenti sədrinin sözlərinə görə, ölkə heç bir zaman qonşu dövlətlərə qarşı ərazi iddiası ilə çıxış etməməlidir.
Alen Simonyan yerli media nümayəndələri ilə söhbətində bildirib ki, regionda elə bir əməkdaşlıq modeli qurulmalıdır ki, heç bir ölkə digərinə qarşı təcavüzkar niyyət bəsləməsin. Onun fikrincə, regionda davamlı sülhü təmin etmək və müharibə riskini azaltmaq üçün bütün səylər göstərilməlidir.
Spiker qeyd edib ki, Ermənistanın yeni konstitusiyasının qəbul edilməsi sırf ölkənin milli maraqları ilə diktə olunur. Simonyan əlavə edib ki, Ermənistan heç kimə ölkəni regionda təhdid kimi qəbul etməyə imkan verməyən bir konstitusiyaya sahib olmaqda maraqlıdır.