Ermənistanın keçmiş prezidenti Robert Koçaryan növbəti parlament seçkilərində iştirak edəcəyini açıqlayıb. “Ermənistan” blokunun lideri olaraq seçkilərə qatılacaq Koçaryan, baş nazirliyə namizədliyini irəli sürüb.
Deputat Anna Qriqoryan bu məlumatı təsdiqləyib. Koçaryan bu qərarını ölkənin maraqları ilə əsaslandırıb və bildirib ki, bu addım onun üçün vəzifədən aşağı düşmək olsa belə, vətən naminə hər şeyə hazırdır.
Koçaryanın rəhbərlik etdiyi blok 2021-ci il seçkilərində 21,09 faiz səs toplamışdı. Növbəti parlament seçkilərinin 2026-cı il iyunun 7-də keçirilməsi planlaşdırılır.