Fitrə zəkatı məbləği: İlahiyyatçı QMİ-nin fətvasını tənqid etdi
Qafqaz Müsəlmanları İdarəsinin (QMİ) fitrə zəkatı ilə bağlı fətvası birmənalı qarşılanmayıb. İlahiyyatçı Tural İrfan QMİ-nin 10-15 manatlıq məbləğin təyin edilməsini ədalətsizlik adlandırıb.
İlahiyyatçı Tural İrfan bildirib: “QMİ-nin bu fətvası zülmdür, çünki insanların hamısı eyni maaşı almır.” O, Peyğəmbərin (s.ə.s.) hədislərinə əsaslanaraq, fitrənin arpa, buğda, xurma kimi məhsullarla müəyyənləşdirilməsinin daha doğru olduğunu vurğulayıb. İrfan əlavə edib ki, hər kəs imkanı daxilində fitrə verməlidir.
İlahiyyatçı QMİ-ni İran mollalarını təqlid etməkdə və özlərinə fətva çıxarmaqda aciz olmaqda ittiham edib. O, bu fətvaların dinin əleyhinə olduğunu, dindarlar arasında fikir ayrılığı yaratdığını və insanları dindən uzaqlaşdırdığını iddia edib.
Tural İrfan fitrə zəkatının mahiyyətini izah edərək, bunun Ramazan ayının sonunda kasıblara edilən könüllü yardım olduğunu qeyd edib. O, imkanı olan hər bir şəxsin ailə üzvləri üçün fitrə verməli olduğunu, lakin məbləğin hər kəs üçün standart olmasının doğru olmadığını vurğulayıb.
İnternet dövründə insanların fitrə ilə bağlı məlumatları araşdıra biləcəyini deyən ilahiyyatçı, hər kəsin gücü çatdığı qədər fitrə verməsinin daha məqsədəuyğun olduğunu bildirib.