ABŞ Nigeriyaya hərbi dəstək göstərir
Birləşmiş Ştatlar Nigeriyaya kəşfiyyat imkanlarını gücləndirmək və terrorla mübarizə əməliyyatlarında iştirak edən Nigeriya Silahlı Qüvvələrinə təlim keçmək üçün pilotsuz uçuş aparatları (PUA) və təxminən 200 hərbi qulluqçu göndərib.
Bu qərar Nigeriya hökumətinin müraciətinə cavab olaraq qəbul edilib. Göndərilən PUA-lar arasında MQ-9 Reaper kəşfiyyat dronları da var. Onların yerləşdirilməsi Çad gölü bölgəsində fəallaşan ekstremist qruplara qarşı mübarizəyə yönəlib.
Fevralın 16-da terror təhdidlərinə qarşı mübarizəyə dəstək məqsədilə 100-ə yaxın amerikalı hərbçidən ibarət ilk qrup Nigeriyaya gəlib. ABŞ-dən olan mütəxəssislər hərbi nəqliyyat vasitələri ilə Borno ştatının paytaxtı Mayduquri şəhərinə göndərilib.
Analitiklər Vaşinqtonun Nigeriyanın şimal-şərqində öz kəşfiyyat PUA-ları üçün baza yaratmaq niyyətində olduğunu vurğulayırlar. Bu, qonşu Nigerdəki bazanın itirilməsindən sonra Sahel bölgəsində vəziyyəti izləməyə imkan verəcək.