İran Xarici İşlər naziri Abbas Əraqçı, Böyük Britaniya Baş naziri Kir Starmerin ABŞ-a Britaniya ərazisindəki hərbi bazalardan istifadəyə icazə verməsinə sərt reaksiya göstərib.
Əraqçı, bu qərarın Britaniya vətəndaşlarının təhlükəsizliyini risk altına qoyduğunu bildirib. O, “X” sosial şəbəkəsindəki paylaşımında, britaniyalıların əksəriyyətinin İsrail və ABŞ tərəfindən İrana qarşı hərbi əməliyyatlarda iştirak etmək istəmədiyini vurğulayıb. Nazir, hökumətin bu qərarı xalqın mövqeyini nəzərə almadan qəbul etdiyini qeyd edib.
Əraqçı paylaşımında, “İran özünümüdafiə hüququndan istifadə edəcək” ifadəsini işlədib. Bu açıqlama, Böyük Britaniya hökumətinin ABŞ-a ölkə ərazisindəki aviabazalardan istifadəyə icazə verməsi fonunda səsləndirilib.