Novruz Bayramı Azərbaycanda Təntənə ilə Qeyd Edilir
Azərbaycan xalqı bu gün Novruz bayramını böyük coşqu ilə qeyd edir. Novruz, yazın gəlişini simvolizə edən, kökləri qədim zamanlara gedən bir xalq bayramıdır. Bu bayram, yeni günün, təbiətin oyanışının müjdəçisidir.
Novruz, Şimal yarımkürəsində astronomik yazın başlanğıcı, gecə və gündüzün bərabərləşdiyi gündə – adətən martın 20, 21 və ya 22-də qeyd olunur. Bir çox xalqlar bu günü təbiətin canlanması ilə əlaqələndirərək, şənliklər təşkil edir və yeni ilin başlanğıcı kimi qeyd edirlər.
Tarixi Köklər və Beynəlxalq Tanınma
Qədim zamanlardan bəri Azərbaycan türkləri, İran, Əfqanıstan, Tacikistan, Özbəkistan və digər Şərq xalqları ilə birlikdə yazın – yeni ilin gəlişini böyük sevinclə qarşılayırlar.
2009-cu ilin sentyabr ayının 30-da Novruz, UNESCO tərəfindən qeyri-maddi mədəni irs siyahısına daxil edilmişdir. 2010-cu il fevralın 23-də isə BMT, martın 21-ni “Beynəlxalq Novruz Günü” elan edərək bu bayramın əhəmiyyətini bir daha vurğulamışdır.
Yazın Azərbaycana Daxil Olması
Bu il yaz fəsli Azərbaycana martın 20-si saat 18:45:53-də daxil olacaq. Həmin an gecə və gündüz bərabərləşəcək, Günəş tam şərqdə doğulub, qərbdə batacaq.
Bayram Tətili
Novruz bayramı ilə əlaqədar olaraq Azərbaycanda 20-30 mart tarixləri qeyri-iş günləri elan edilib.