Dünyada qızıldan da dəyərli, nadir bir “məhsul” aşkar edilib: inəklərin öd kisəsində yaranan daşlar. Bu daşlar, hazırda qiymətli metaldan iki dəfə baha satılır.
Çin təbabətində əsrlərdir istifadə olunur
Bu daşlar, Çin təbabətində ürək-damar xəstəlikləri və yüksək qan təzyiqinin müalicəsində istifadə edilib. Tələbatın artması qiymətləri fantastik həddə çatdırıb. Mütəxəssislər 2025-ci ildə bir unsiyanın (28.3 qram) 9860 manata çatacağını proqnozlaşdırırlar.
“Nu Huang” nədir?
“Nu Huang” adı ilə tanınan bu maddə insult və psixi pozğunluqların dərmanlarında istifadə edilir. Tapılması çətindir, çünki öd daşları əsasən yaşlı inəklərdə yaranır.
Xammal çatışmazlığı səbəbindən dünyada əsl “ov” başlayıb. Braziliyada silahlı dəstələr fermalara basqın edərək, mal-qaranı deyil, bu daşları hədəf alırlar.
Süni alternativ
Çinli alimlər laboratoriyada süni daşlar yaradaraq qıtlığı aradan qaldırmağa çalışırlar. Süni nümunələr təbii daşların xüsusiyyətlərini qismən təkrarlayır, lakin təbii öd daşları hələ də əczaçılıqda “qızıl standart” sayılır.