Çində sağlam həyat tərzini təşviq edən kampaniya
Çinin Usi şəhərində yerli hakimiyyət orqanları əhalini sağlam həyat tərzinə həvəsləndirmək məqsədilə yeni bir kampaniyaya başlayıb. Szyansu əyalətinin Lianqsi rayonunda start götürən bu təşəbbüs, arıqlayan sakinlərə mükafat vəd edir.
Kampaniyanın şərtlərinə əsasən, iştirakçılar itirdikləri hər kiloqram çəki üçün pulsuz mal əti əldə edəcəklər. Bu maraqlı təklifə artıq böyük maraq göstərilib.
Qısa zamanda böyük maraq
Martın 9-da başlayan layihəyə ilk üç gün ərzində 2400-dən çox insan müraciət edib. Layihədə iştirak etmək üçün regionda sosial təminat və ya tibbi sığorta ödənişi edən işçilər müraciət edə bilər.