Suraxanı rayonunda dəhşətli qətl hadisəsi baş verib. Mart ayının 20-də Hövsan qəsəbəsində 36 yaşlı Pərvanə Abbasova qətlə yetirilib. İlkin məlumatlara görə, hadisə şübhəlisi onun həyat yoldaşı Vasif Abbasovdur.
Mərhum Pərvanə Abbasova 118 saylı məktəbdə texnologiya müəllimi işləyirdi və iki övladı var idi. Həmkarlarının sözlərinə görə, Pərvanə uzun illərdir ki, əri tərəfindən sistematik zorakılığa məruz qalıb. O, hətta uşaqları ilə təhdid olunurdu.
Qətlin səbəbi nədir?
Bildirilir ki, Pərvanə ərindən ayrılmaq qərarını açıqladıqdan sonra Vasif Abbasov onu qətlə yetirib. Polis hadisə ilə bağlı cinayət işi başlayıb və Vasif Abbasov şübhəli şəxs qismində saxlanılıb.
Faktla bağlı araşdırmalar davam edir.