Daxili İşlər Nazirliyi məlumat yaydı: Ötən gün respublika ərazisində axtarışda olan 34 nəfər saxlanılıb. Onların arasında borclu şəxs qismində axtarılan 17 nəfər də var. Saxlanılan şəxslər aidiyyəti üzrə təhvil verilib.
Açılan cinayətlər və saxlanılan şübhəlilər: Martın 21-də qeydə alınan 24 cinayətin üstü polis əməkdaşları tərəfindən açılıb. Narkotiklərlə əlaqəli 6 fakt, qanunsuz silah-sursatla bağlı 7 fakt aşkarlanıb. Cinayət törətməkdə şübhəli bilinən 17 nəfər saxlanılıb.
İtkin düşənlər tapıldı: Ailə üzvlərini xəbərdar etmədən evi tərk edən və itkin düşmüş kimi axtarılan 4 nəfər polis əməkdaşları tərəfindən tapılaraq ailələrinə təhvil verilib.
Dələduzlar yaxalandı: Keçirilən əməliyyat tədbirləri nəticəsində dələduzluq ittihamı ilə axtarışda olan 3 nəfər saxlanılaraq istintaqa cəlb olunub.