Eskişehirdə yaşlı kişi faciəsi
Eskişehir şəhərinin Odunpazarı rayonunda 80 yaşlı Dursun Baycan adlı kişi yaşadığı evdə ölü tapılıb. Qonşuların mənzildən gələn pis qoxudan şübhələnərək polisə məlumat verməsi ilə hadisə üzə çıxıb.
Yıldıztepe məhəlləsindəki evə gələn polis əməkdaşları, yaşlı kişinin cansız bədəni ilə qarşılaşıblar. İlkin müayinələr zamanı Dursun Baycanın həyatını itirdiyi müəyyən edilib.
Prokurorun iştirakı ilə hadisə yerində araşdırma aparılıb. Daha sonra meyit, müayinə məqsədilə Eskişehir Şehir Xəstəxanasının morquna göndərilib.
Məlumata görə, Dursun Baycan 3 ay əvvəl həyat yoldaşını itiribmiş. Hadisə ilə bağlı ətraflı araşdırma davam etdirilir.