Avstriyada irqçilik zəminində baş verən hadisə türk ailəni hədəfə alıb.
Martın 12-də Avstriyanın Tirol əyalətində yaşayan türk ailənin evinə donuz başı atılıb. Hadisə, Hall in Tirol qəsəbəsində baş verib. Ailənin qapısına donuz başı qoyan şəxs, həmçinin təhqiramiz ifadələr yazıb.
Ailə üzvləri hüquq-mühafizə orqanlarına müraciət edərək təhlükəsizliklərindən narahat olduqlarını bildiriblər. Ailənin sözlərinə görə, uşaqlar baş verən hadisədən sonra qorxu içində yaşayırlar.
Zərərçəkən ailənin üzvü A.S bildirib ki, həyat yoldaşı sahurdan sonra işə getmək üçün qapını açarkən donuz başını görüb və qorxu içində qışqırıb. Onun sözlərinə görə, baş verən hadisə ailə üzvlərində, xüsusilə uşaqlarda ciddi narahatlıq yaradıb: “Artıq uşaqlar da qorxmağa başlayıb. Qapının lampası yanan kimi ora baxırlar və çox narahat olurlar.”
A.S əlavə edib ki, artıq işə gedərkən uşaqları evdə tək qoymaqdan çəkinir: “Can təhlükəmizdən şübhə etməyə başlamışıq.”
Polis hadisə ilə bağlı araşdırma başladılıb.