Türkiyə və Azərbaycan arasında investisiya sahəsində əməkdaşlıq daha da genişləndirilir. “Rothschild & Co”nun Türkiyədəki sədri Ata Köseoğlu bu barədə XIII Qlobal Bakı Forumunda çıxış edib. O, Türkiyənin geosiyasi əhəmiyyətini vurğulayaraq, ölkənin Orta və Zəngəzur dəhlizləri kimi böyük layihələrdə iştirakını qeyd edib.
Azərbaycanın Türkiyəyə yatırdığı investisiyaların həcmi artıq 21 milyard dollara çatıb. Azərbaycan hökuməti yaxın zamanlarda Türkiyə iqtisadiyyatına əlavə 7 milyard dollar investisiya yatırmağı planlaşdırır. Zəngəzur dəhlizi layihələrində Türkiyə şirkətləri aktiv rol oynayır, bu da iki ölkə arasında iqtisadi əlaqələrin daha da inkişafına töhfə verir.