Çindən Avropa İttifaqına (Aİ) avtomobil idxalı artıb
2025-ci ildə Çindən Aİ-yə avtomobil və ehtiyat hissələrinin idxalı, ilk dəfə olaraq Aİ-dən Çinə ixracı üstələyib. Bu barədə “EY konsaltinq” şirkətinin hesabatında məlumat verilir.
Avropadan Çinə avtomobil ixracı 34% azalaraq 16 milyard avroya düşüb. Eyni zamanda, Çindən idxal 8% artaraq 22 milyard avroya çatıb.
Almaniya ixracatı hələ də üstün olsa da…
Hesabatda Almaniyanın Çinə avtomobil ixracının hələ də idxalı üstələdiyi qeyd olunur. Lakin bu fərq sürətlə azalır.
2022-ci ildə Almaniya Çinə 30 milyard avro dəyərində avtomobil ixrac edib. 2025-ci ildə bu göstərici 13,6 milyard avroya düşüb. Eyni dövrdə Çindən idxal 7,4 milyard avroya yüksəlib.