Yaxın Şərqdəki gərginliklər Böyük Britaniyada yanacaq təchizatına təsir edir. Esseks qraflığı və Şotlandiyanın bəzi bölgələrində kənd təsərrüfatı texnikası sahibləri üçün dizel yanacağının satışı məhdudlaşdırılıb.
Topdansatış təchizatçıları yanacağın miqdarına rasionlaşdırma tətbiq edərək, sifariş həcmlərini azaltmağa məcbur olublar. “Anglia Farmers” şirkətinin sözçüsü Patrik Krehan vəziyyəti təsdiqləyib və bildirib ki, bu addım daha çox fermerin yanacaq əldə etməsini təmin etmək məqsədi daşıyır.
Krehanın sözlərinə görə, təchizatçılar mümkün qədər çox tələbi ödəmək üçün çalışırlar. Məsələn, əvvəllər bir fermerə 10 ton yanacaq verilirdisə, indi bir neçə fermerə 2 ton çatdırılır. Bu, yanacağın daha geniş şəkildə paylanmasına imkan yaradır.