ABŞ Strateji Neft Ehtiyatlarından İlk Partiya Ayrıldı
ABŞ, planlaşdırdığı 172 milyon barel xam neftin ilk hissəsi olaraq, 42.5 milyon bareli neft şirkətlərinə ayırıb. Bu barədə ABŞ Energetika Nazirliyi məlumat yayıb.
İlk Mərhələ Başladı: Nazirlik, Strateji Neft Ehtiyatından 42.5 milyon barel xam neftin ayrılmasının ilk mərhələsinə start verildiyini bildirib. Şirkətlər bu neftin əvəzinə 55 milyon barel qaytaracaqlar.
Ehtiyatlar Artırılacaq
Xatırladaq ki, mart ayında Vaşinqton administrasiyası 120 gün ərzində ümumilikdə 172 milyon barel neftin dövriyyəyə buraxılacağını açıqlamışdı. Energetika Nazirliyi, ehtiyatın 2027-ci ilə qədər təxminən 200 milyon barel neft ilə doldurulacağını proqnozlaşdırır.
Hazırda ölkənin neft ehtiyatı 415 milyon barel təşkil edir. Ehtiyatın ümumi tutumu isə 714 milyon barelə qədərdir.