Sabahdan etibarən Azərbaycanın qərb bölgələrində hava şəraiti dəyişəcək. Bəzi ərazilərdə arabir yağıntılar olacaq, dağlıq rayonlarda isə qar yağacağı gözlənilir.
Milli Hidrometeorologiya Xidmətinin yaydığı məlumata görə, ayrı-ayrı yerlərdə yağıntılar güclənəcək, şimşək çaxacaq və dolu düşməsi ehtimalı var.
Ən əsası, çaylarda sululuğun artacağı, hətta bəzi dağ çaylarında qısamüddətli sel hadisələrinin baş verə biləcəyi proqnozlaşdırılır.