Qətər Silahlı Qüvvələrinə məxsus bir helikopter, texniki səbəblərə görə ölkə sahilləri yaxınlığında dənizə düşüb. Bu barədə Qətər Müdafiə Nazirliyi məlumat yayıb.
Nazirlikdən verilən açıqlamada bildirilir ki, helikopter cari tapşırığını yerinə yetirərkən qəzaya uğrayıb və Qətərin ərazi sularına düşüb. Qəzanın baş verməsinə səbəb kimi texniki nasazlıq göstərilir.
Hazırda helikopterin ekipaj üzvlərinin və sərnişinlərinin axtarış-xilasetmə işləri davam etdirilir. Hadisə ilə bağlı ətraflı təhqiqat başladılıb.