Türkiyənin Kırıkkale şəhərində hərəkət edən, LPG ilə işləyən avtomobildə qəflətən yanğın baş verib. Mühərrik hissəsindən başlayan alov sürətlə yayılaraq avtomobili tamamilə məhv edib.
Hadisə yerinə gələn yanğınsöndürənlər alova müdaxilə edərək yanğını söndürüblər. Xoşbəxtlikdən, ilkin məlumatlara görə, xəsarət alan olmayıb.
Sürücünün avtomobili Ramazan bayramında istifadə etmək üçün qohumundan, bacısı oğlundan, cəmi bir neçə saat əvvəl aldığı bildirilir. Hadisə ilə bağlı araşdırma başladılıb.