İzmirin Urlasında dəhşətli hadisə baş verib.
Tanınmış zərgər, ‘Agora Pırlanta’ şirkətinin sahibi Can Özdağdağ evində ölü vəziyyətdə aşkarlanıb. Uzun müddət ondan xəbər ala bilməyən yaxınları dərhal polisə məlumat veriblər.
Hadisə yerinə gələn səhiyyə işçiləri onun artıq həyatda olmadığını təsdiqləyiblər. Polis tərəfindən evdə ətraflı axtarış aparılır, prokurorluq isə hadisə ilə bağlı cinayət işi başladıb.
Celal Bayar Universiteti Fizika fakültəsinin məzunu olan 33 yaşlı Can Özdağdağ, ‘Agora Pırlanta’ markası ilə tanınırdı. Onun ani ölümü Urla və İzmir iş dünyasında böyük sarsıntı yaradıb.
Hadisə ilə bağlı araşdırmalar davam edir.