İstanbulda Qədir gecəsi zamanı Fatih məscidində baş verən etiraz aksiyası diqqət çəkib. Bir qrup qadın hicablarını çıxararaq Məscidül-Əqsanın bağlanmasına etiraz edib.
Aksiya iştirakçıları kişilərə müraciət edərək, “Məscidül-Əqsa müsəlmanların namusudur, sahib çıxın!” şüarı səsləndiriblər. Etirazın səbəbi İsrailin Məscidül-Əqsaya qoyduğu məhdudiyyətlərdir. İsrail “regional təhlükəsizlik” bəhanəsi ilə müqəddəs məkanı bağlayıb, Ramazan ayında ibadətlərə mane olur.
1967-ci ildən bəri ilk dəfə Ramazanda Məscidül-Əqsada təravih namazı qadağan edilib. Bu, dini və tarixi statusun dəyişdirilməsi cəhdi kimi qiymətləndirilir. Ömər Çelik İsrailin bu addımını pisləyib, ibadət hüququnun məhdudlaşdırılmasının qəbuledilməz olduğunu vurğulayıb.