Goranboyda ağır yol qəzası baş verib. “Mercedes” markalı avtomobil piyadanı vuraraq onun ölümünə səbəb olub.
Hadisə Goranboy-Ağcakənd yolunda qeydə alınıb. Kəlbəcər rayon sakini, 1970-ci il təvəllüdlü İ.Hüseynov idarə etdiyi avtomobillə Goranboy rayonunun Zeyvə kənd sakini, 1990-cı il təvəllüdlü T.Quliyevi vurub. Piyada aldığı xəsarətlər nəticəsində hadisə yerində dünyasını dəyişib.
Mərhumun cəsədi müayinə üçün Məhkəmə Tibbi Ekspertiza və Patoloji Anatomiya Birliyinin rayon şöbəsinə göndərilib.
Faktla bağlı araşdırmalara başlanılıb.