Türkiyənin Bursa şəhərində yerləşən ticarət mərkəzində 22 yaşlı gənc faciəvi şəkildə həyatını itirib. Osmangazi rayonunda baş verən hadisə zamanı Doğukan Dikbıyık adlı şəxs ticarət mərkəzinin dördüncü mərtəbəsindən yıxılıb.
Hadisə yerinə təcili tibbi yardım briqadası çağırılsa da, gəncin həyatını xilas etmək mümkün olmayıb. Polis hadisənin intihar olub-olmadığını araşdırır.
İlkin məlumatlara görə, Doğukan Dikbıyık təxminən 15 metr yüksəklikdən yıxılıb. Hadisə ilə bağlı genişmiqyaslı araşdırmaya başlanılıb.
Faktla bağlı istintaq davam edir.