Bakı şəhərində 17-18 mart tarixlərində nəqliyyatın sıx olacağı proqnozlaşdırılır. Nəqliyyat məsələləri üzrə ekspert Aslan Əsədovun sözlərinə görə, sürücülər alternativ yollardan istifadə etməklə tıxacdan qaça bilərlər.
Ekspert alternativ marşrutları təklif edib:
* Sumqayıt istiqamətinə gedənlər üçün Böyükşor-Pirşağı-Sumqayıt yolu tövsiyə olunur. Bu yol 9 km artıq olsa da, tıxacda gözləməkdən daha sərfəlidir.
* Xırdalan, Masazır və Sulutəpə istiqamətlərinə hərəkət edənlər Azadlıq prospekti-Binəqədi yolundan istifadə edə bilərlər.
* Cənub istiqamətinə gedənlər Bakı Dairəvi Yolu ilə Biləcəri, Yasamal və Badamdar marşrutlarına üstünlük verə bilərlər.
Aslan Əsədov həmçinin qarşıdan gələn Ramazan və Novruz bayramları münasibətilə vətəndaşları təbrik edib.