Azərbaycanda martın 19-da hava şəraitinin temperaturu yüksələcək. Milli Hidrometeorologiya Xidmətinin məlumatına görə, ölkə ərazisində havanın temperaturu 20 dərəcəyə çatacaq.
Bakıda və Abşeron yarımadasında dəyişkən buludlu hava şəraiti müşahidə olunacaq. Əsasən yağmursuz keçəcəyi gözlənilir, lakin gündüz bəzi ərazilərdə çiskin ola bilər. Gecə və səhər saatlarında zəif duman müşahidə olunacaq. Cənub-qərb küləyi əsəcək.
Havanın temperaturu gecə 5-7° isti, gündüz 10-15° isti olacaq. Atmosfer təzyiqi 766 mm civə sütunundan 761 mm civə sütununa enəcək. Nisbi rütubət gecə və gündüz 75-85 % təşkil edəcək.
Azərbaycanın rayonlarında əsasən yağmursuz hava gözlənilir. Gündüz bəzi yerlərdə az yağıntı ola bilər. Arabir duman olacaq. Mülayim şərq küləyi əsəcək.
Havanın temperaturu gecə 5-10° isti, gündüz 15-20° isti, dağlarda gecə 1-6° isti, gündüz 8-13° isti olacaq.