Müdafiə Nazirliyi Ağdərədə planlaşdırılan partlayışlar barədə əhaliyə xəbərdarlıq edib.
Nazirlikdən verilən məlumata görə, martın 16-dan 19-dək Ağdərə rayonu ərazisində istifadə müddəti bitmiş və yararsız hala düşmüş döyüş sursatları məhv ediləcək.
Məhv etmə prosesi təhlükəsizlik tədbirlərinə ciddi riayət olunmaqla həyata keçiriləcək. Müdafiə Nazirliyi əhalini təşvişə düşməməyə çağırır və bildirir ki, narahatlığa heç bir əsas yoxdur.
Partlayış səsləri eşidilə bilər, lakin bu, planlaşdırılmış tədbirdir və heç bir təhlükə yaratmır.