Yaponiya Ukrayna istehsalı olan hücum dronlarını almağı nəzərdən keçirir.
Bu barədə Yaponiya mətbuatı məlumat yayıb. Tokionun marağı Ukrayna PUA-larının real döyüş şəraitindəki effektiv istifadəsi ilə bağlıdır.
Yaponiya hökuməti bu dronların ölkənin müdafiə sisteminə inteqrasiya imkanlarını araşdırır. Ukrayna döyüş meydanında əldə etdiyi təcrübə sayəsində pilotsuz texnologiyaların inkişafında böyük addımlar atıb.
Yekun qərar Ukrayna dronlarının digər ölkələrin dronları ilə müqayisəsindən sonra veriləcək. Tokio, İsrail dronlarını da nəzərdən keçirir, lakin Qəzza zolağındakı siyasi vəziyyətə görə Ukrayna variantına üstünlük verir.
Yaponiyanın Müdafiə Nazirliyi Ukrayna dronlarının radioelektron mübarizə sistemlərinə qarşı yüksək davamlılığını və uçuş məsafəsini qeyd edib. Tokio həm də texnologiyanı əldə edərək yerli dron istehsalını planlaşdırır.