BMT Baş Katibi Antonio Quterreş Livana səfəri zamanı ölkəyə dəstək məqsədilə 325 milyon dollarlıq humanitar kampaniyanın başladığını açıqlayıb. Hizbullah və İsrail arasındakı müharibənin yaratdığı böhran şəraitində bu yardım, Livan xalqının ehtiyaclarını ödəməyə yönəldiləcək.
BMT qurumları və donor ölkələrin nümayəndələrinin iştirakı ilə keçirilən konfransda çıxış edən Quterreş, bu kampaniyanın növbəti üç ay ərzində qida, su, tibbi yardım və təhsil kimi əsas xidmətlərin göstərilməsini təmin edəcəyini vurğulayıb. O, bu yardımların həyati əhəmiyyət daşıdığını və Livanın müdafiəsinə dəstək olacağını qeyd edib.