Ərdəbil şəhərində minlərlə insan gecə saatlarında ABŞ-yə qarşı kütləvi etiraz aksiyası keçirib. Şəhər küçələrinə toplaşan insanlar İran bayraqları ilə yürüş edərək rəsmi Tehrana dəstəklərini ifadə ediblər.
Aksiya iştirakçıları ABŞ-nin İrana qarşı yönəltdiyi təzyiqlərə etiraz olaraq Vaşinqtona qarşı şüarlar səsləndiriblər. Nümayişçilər ölkənin bu çətin dövrdə tək olmadığını, İran dövlətinin yanında olduqlarını vurğulayıblar.
Gecə saatlarında keçirilən mitinq zamanı şəhərdə həm gərgin, həm də həmrəylik ab-havası hökm sürüb. İnsanlar ABŞ-nin siyasətinə qarşı qəti mövqe nümayiş etdirərək, milli birliyin əhəmiyyətini vurğulayıblar.
Ərdəbildə baş tutan bu etiraz aksiyası, İranda anti-Amerika əhval-ruhiyyəsinin gücləndiyini göstərən mühüm bir hadisədir.