“Qalatasaray”ın hücumçusu Viktor Osimhen Kriştiano Ronaldo ilə bağlı maraqlı bir xatirəsini bölüşüb. Nigeriyalı futbolçu, Ronaldo ilə şəkil çəkdirmək üçün oyundan sonra bir saat gözlədiyini bildirib.
Osimhen, Ronaldo ilə görüşməyin onun üçün xüsusi bir an olduğunu vurğulayıb: “Kriştiano Ronaldo ilə görüşmək? Oyundan sonra tək arzum onunla şəkil çəkdirmək idi.”
Ronaldo'nun çalışqanlığına heyranlığını ifadə edən Osimhen, portuqaliyalı ulduzun oyundan sonra belə idman zalına getdiyini qeyd edib: “Onu bir saat gözləməli oldum, çünki 90 dəqiqədən sonra idman zalına getmişdi. Bu, həqiqətən də inanılmazdır.”
Osimhen, Ronaldo'nun ona dəyərli bir məsləhət verdiyini də əlavə edib: “O, mənə 'nə olursa olsun, davam et' dedi.”