Mütəmadi bağbanlıq fəaliyyəti yaşlı insanların psixoloji durumunu xeyli yaxşılaşdırır və depressiya əlamətlərini azaldır. Türkiyəli tədqiqatçıların qocalar evlərində apardıqları təsadüfi sınaqlar bu nəticəni ortaya çıxarıb.
Tədqiqatın nəticələri "Public Health Nursing" jurnalında yayımlanıb.
Araşdırmada 46 yaşlı insan iştirak edib. İştirakçılar iki qrupa ayrılıb: bir qrup üç ay boyunca həftədə bir dəfə bağbanlıqla məşğul olub, digər qrup isə adi həyat tərzini davam etdirib. Psixoloji vəziyyət təcrübədən əvvəl və sonra yaşlılar üçün depressiya şkalası və "PERMA" psixoloji rifah şkalası vasitəsilə ölçülüb.
Nəticələr qruplar arasında mühüm fərqlər göstərib. Bağbanlıqla məşğul olan iştirakçılarda depressiya göstəriciləri xeyli azalıb, psixoloji rifah səviyyəsi isə yüksəlib. Bu təsir həm statistik baxımdan əhəmiyyətli olub, həm də təsir dərəcəsi yüksək qiymətləndirilib.