Antarktidada 6 Milyon Illik Buz: Yer Kürəsində Temperaturun Kəskin Dəyişdiyi Sübut Olundu

Beynəlxalq alimlər qrupu Antarktidada təxminən 6 milyon il əvvələ aid olan ən qədim buz nümunələrini aşkar ediblər. Oxu.Az xəbər verir ki, tədqiqatın nəticələri "Proceedings of the National Academy of Sciences" jurnalında dərc olunub. Məlumata görə, bir neçə ölkədən olan tədqiqatçılar buz təbəqəsinin dərinliklərindən çıxarılan uzunmüddətli nümunələri araşdırıblar. Alimlər bu nümunələr vasitəsilə milyonlarla il əvvəlki planetin temperaturu və qaz konsentrasiyaları haqqında məlumat əldə ediblər. Laboratoriya şəraitində alimlər buz qabarcıqlarında sıxılmış havanın izotop tərkibini təhlil ediblər. Nəticələr göstərir ki, son 6 milyon il ərzində bölgədə temperatur təxminən 12 dərəcə aşağı düşüb. Bu isə, həmin dövrdə Yerin iqliminin indiki ilə müqayisədə əhəmiyyətli dərəcədə isti olduğunu göstərir.