Cəsarətli Tərzi Ilə Tanınan Gülşən Yeni Imici Ilə Diqqət çəkdi

Türkiyə pop musiqisinin ən iddialı adlarından olan Gülşən, Zorlu PSM-də verdiyi konsertdə tamaşaçıların qarşısına tamamilə fərqli imicdə çıxıb. Sonxeber.az türk mediasına istinadən xəbər verir ki, illərdir cəsarətli və diqqətçəkən səhnə geyimləri ilə gündəmdə olan müğənni bu dəfə klassik qara kostyum geyinməyi seçib. Səhnəyə sadə, lakin güclü tərzdə çıxan Gülşen tamaşaçıların böyük alqışını qazanıb. O, klassik ağ köynək və qara qalstukla tamamladığı kostyumu ilə diqqət mərkəzinə düşüb. Müğənninin bu seçimi izləyicilər tərəfindən "cəsarətli kombinasiyalardan klassik zərifliyə keçid" kimi qiymətləndirilib. Gülşənin yeni səhnə imici, həm musiqi dünyasında, həm də sosial mediada müsbət reaksiyalarla qarşılanıb.